Lizara aterpetxeetik (1520m) atera ginen ekialderako norabidearekin, Llano de Lizara (1507m) zeharkatu genuen eta La Cueva aterpetxera (1580 m) heldu ginen. Gure eskuinean Articuso erreka zela, aurrera jarraitu genuen El Bozo mendilepoaraino (2000m). Honaino heldu ginen G.R.-ren marra zuri eta gorriez markatutako bidezidor batetik.
Mendilepoak eskuinera Bernera mendigune dauka eta ezkerrara La Estiva-ko Kordala. Aisa eta Aragues del Puerto-aren arteko isurialdeen banalerroa La Estiva kordala da. Mesola bere mendirik altuena da.
El Bozo mendilepotik hegoalderantz joan ginen, eta lehenengo zatia trepatu behar izan genuen belarrezko kordalera ailegatu arte. Kordalaren lehenengo mendia La Punta del Collado del Bozo (2088m) igo genuen eta norabide galdu gabe elkarren segidan la Punta Napazal (2117m), Petrito (2118m) eta azkenean Mesola (2160 m). Kordaletik ikusten diren ikuspegiak zoragarria dira, La Llana del Bozo, La Llana de la garganta y Aspe, haien ingurua gobernatzen duten hiru dorre erraldoi.
Itzuli ginen kordal beretik, baina la Punta del Collado del Bozo-ra heldu baino lehen ezkerrara jo genuen malda luzetik jaisteko Articuso erreka heldu arte eta igoeraren lehengo zatiarekin lotu.
No hay comentarios:
Publicar un comentario