Izagaondo bailaran, Nabarrako Aoiz eskualdean, Ardanaz herria daukagu. Hemendik Izaga igo genuen. Igoera arina, ordu bat eta ordu eta erdikoren artekoa, 720 metroko desnibela gainditzeko.
Ardanazko enparantzan autoa utzi genuen. Pista batetik atera ginen HE iturri gotiko baten parean. Berehala beste desbideratze bat aurkitu genuen , eskuinekora, hartu genuena. Koltza soro baten ondoan pasatu ginen eta pixka bat aurrerago bigarren desbideratzeak zuzendu gintuen HM basora. Bidea goraka doa baina pagoen eta bojen artean ibiltzea oso atsegina da.
Aurkitu genuen bidexka bat, seinalatuta eta guztiz, pistaren metro batzuk aurrestu gintuena. Berriro pista aurkitu genuen, lehen metro batzuk hegoekialdera eta gero hegomendebaldera jotzen duena. Izagaren sokatera heltzerakoan, izute baten ondorioz, zuhaitz gabeko eremu batetik pasatu ginen. Behin sokatean hegoekialderantz jarraitu genuen San Miguel baseliza romanikora ailegatu arte (1220 m). Sokatetik jarraituz tontorrera iritsi ginen berehala (1362 m).
Tontorretik ikuspegi bikaina. Iparralderantz begiratuz mendebaldeko Pirinioa, Oritik Bisaurinaraino, eta Izagaondoa eta Unziti bailara zabalak ikusi genituen, hegoalderantz Ibargoiti bailara eta mendebalderantz La Higa de Monreal.
No hay comentarios:
Publicar un comentario