Txokomendi Berria: SOILA ETA LA MUELA KORRESTIK: IZKI

sábado, 5 de noviembre de 2016

SOILA ETA LA MUELA KORRESTIK: IZKI

Autoa utzi genuen Korresko aparkalekuan (680 m). Ibilbidea hasten da Parketxearen ondoan. Lehengo zatia “El Agin” bidetik doa. Iparralderantz metro batzuk igotzen ditu, eta berehala ekialderantz doa, pista baztertuz, eta sartuz, bidezidor batetik, harizti batean.

Aurrerago zuhaitzak desagertzen dira eta ezpelez eta ipuruez betetako eremua agertzen da. Bideak igotzen jarraitzen du Avellanedo lepora ailegatu arte (940 m). Hemendik Soilaren kordala ondo ikusten da. Gailurreria guztia ibili genuen, baina tontorrera heldu baino lehen Ojo de Soila-ren ondotik pasatu ginen. Soila (989 m).

Itzuli ginen lepora eta hegoaldeko isurialdea jaitsi ginen. Hasieran bidea doa malda malkarratik, ba daude soka batzuk zati batean laguntzeko. Nahiz eta bidea deseroso izan, ez dago galtzerik. Pizkanaka ibilbidea leuntzen da eta zuhaitzek paisaia menderatzen dute. Pago handi baten ondoan pasatu ginen eta aurrerago izugarrizko tejo baten ondoan, deklaratutako zuhaitz berezia. Jaisten jarraitu ginen, pagadi batetik, Antiñana bidea aurkitu arte non eskuinera biratu ginen (HM). Gero, eskerrera desbideratze bat aurkitu genuen, Bujanda bidea, Korres ibairi jarraitzen diona. Bujanda bidetik Aranbaltza urtegira heldu ginen.

Hormaren gainetik urtegia zeharkatu genuen eta gure eskuineko bidezidor bat hartu genuen. Berehala harrieta batetik igotzen hasi ginen, harri piloek bidea seinalatzen dute. Norabidea galdu gabe, bidea amildegiaren ondoan doa, bitartean Soilaren izugarri ikuspegiak ikus ditzakegu. Gorago, bideari jarraituz, mendebalderantz Joan gine, eta metro batzuetara, ezkerrera atera ginen Villanueva lepora (843 m) ailegatzeko, basoan sartuta. Pagadi hostotsu batetik igoz La Casilla lepora (960 m) heldu ginen, La Muelaren El Santoren artekoa. Zuzendu ginen hegomendebalderantz azken malda igotzeko eta La Muelako tontorrera iristeko (1048 m). Gailurretik San Roman de Campezo eta sierra de Cantabria ikus genezaken.